É unha iniciativa promovida pola Asociación de Desenvolvemento Galicia Suroeste que busca poñer en valor o sector primario, a artesanía e o turismo a través da creación de experiencias que representen a identidade do territorio.

Trátase dun modelo de cooperación entre entidades e empresas dun mesmo territorio que se unen para ofrecer experiencias conxuntas baixo unha marca común.

Poden participar empresas e entidades vinculadas ao territorio das seguintes tipoloxías: viveiros, industrias agroalimentarias, restauración, artesanía, aloxamentos turísticos, tendas especializadas, actividades turísticas complementarias, guías de turismo e axencias de viaxes.

O Ente Xestor do Club de Produto Galicia Suroeste é la Asociación de Desenvolvemento Galicia Suroeste, que asume a coordinación xeral, o impulso e o seguimento ordinario do Club.

É un órgano consultivo e propositivo que actúa como espazo de participación, coordinación e contraste técnico de apoio ao Ente Xestor. Está integrado por un mínimo de cinco persoas: un representante da Asociación de Desenvolvemento Galicia Suroeste (presidencia), unha persoa con funcións de secretaría, e un mínimo de tres persoas vinculadas a distintas tipoloxías de entidades adheridas, procurando unha representación plural e equilibrada do territorio.

Non está previsto.

As entidades adheridas comprométense, segundo o artigo 22 do Regulamento, a:

• Mantener os requisitos de adhesión ao longo de toda a vixencia (os obrigatorios e o mínimo requirido dos avaliables).
• Manter actualizada a súa información ante o Ente Xestor e comunicar cambios relevantes.
• Colaborar nos procesos de acreditación, renovación e verificación.
• Usar correctamente a marca e a identidade visual do Club, segundo o Manual de Identidade.
• Participar e cooperar nas accións do Club (promoción, formación, recomendación cruzada) e coidar a experiencia da persoa visitante.
• Cumprir coa normativa sectorial aplicable e velar pola boa imaxe do Club.

Para formar parte do Club de Produto Galicia Suroeste, a túa empresa ou entidade debe seguir estes pasos:

• 1. Presentar a solicitude mediante o formulario de adhesión e remitilo por correo electrónico a clubproduto@galiciasuroeste.gal
• 2. Acreditar os requisitos: cumprir os requisitos obrigatorios comúns e específicos da túa tipoloxía, e acadar un mínimo do 25 % dos requisitos avaliables.
• 3. Agardar á revisión por parte do Ente Xestor, que comprobará a solicitude e poderá pedir aclaracións ou documentación adicional.
• 4. Recibir a resolución, que pode ser favorable, desfavorable ou condicionada á emenda de algún aspecto.

Si, a túa entidade debe ter vinculación territorial con algún dos 14 municipios do ámbito de actuación do Club: A Guarda, O Rosal, Oia, Tomiño, Tui, Gondomar, Baiona, Nigrán, O Porriño, Mos, Redondela, Pazos de Borbén, Soutomaior e Fornelos de Montes.

Esta vinculación pode darse a través do establecemento principal, dunha instalación, centro de traballo, punto de atención ou servizo turístico efectivo dentro deste territorio. Non é imprescindible que o domicilio social estea nun destes municipios.

Si. O Regulamento non esixe experiencia previa no sector turístico. O que se require é que a túa actividade teña unha relación directa coa oferta turística, produtiva, cultural, natural, gastronómica, artesanal ou comercial de Galicia Suroeste, e que se encadre nalgunha das tipoloxías previstas (aloxamentos, restauración, industrias agroalimentarias, viveiros, artesanía, tendas especializadas, guías de turismo, axencias de viaxes ou actividades turísticas complementarias).

Si. Podes facelo comunicándonolo mediante o correo electrónico clubproduto@galiciasuroeste.gal.